A nosa asociación quere convidarvos a asitir á XXXIII Romaxe de Crentes Galegos que este ano terá lugar en Monterroso, na Comarca de Ulloa en Lugo baixo o lema "Se te viras o que eu vin". Como sempre, dende que naceron as Romaxes en 1978, sairán autobuses dende Aguiño para pasar alá todo o día. A partir de mediados de agosto todas as persoas interesadas en participar poderánse anotar na Parroquia os domingos á saída da Misa ou no teléfono 981 840513. O prezo da viaxe aínda está por determinar pois irá en función do autobús. A data é o sábado 11 de setembro e cada un terá que levar o seu xantar. Unha vez máis acompañarán o acto os amigos do Grupo A Quenlla e bandas de gaitas do lugar. A acollida será con queixo e viño da zona. Grazas pola vosa participación.